Craig's Commandos are on the Mairch!

We are Craig’s Commandos
Ye’d best bide oot wir road
Kiz fin we’re on the rampage
We’re in win, win, win mode!

Dizna maitter fa ye are
We really dinna care
We’ll tackle ye a’ heid on
An’ beat ye fair an’ square

Fowk they a’ scoffed at us
In September o’ last ‘eer
Second boddim o’ the league
We hidna muckle tae cheer

Ah, bit sine Gaffer Craig he said
“Come on lads – get a grip”
An’ sure enuff – a turn aroon’
Geein’ teams abeen us the gyp!

It wiz hard, an’ it wiz tuff
Bit the boys they knuckled doon
Cut a swathe a’ ower the Heilan’ League
Wreakin’ havoc in iviry toon

Nairn an’ Wick, the ‘Vale an’ the Broch
Banks o’ Dee, an’ Clach – wins in startlin’ fashion
Formartine, Lokies, Turra an’ Lossie
Forres an’ Rothes – gaed them a’ a bashin’!

Awa’ tae Brechin an’ tae Brora
We hid a share o’ the spiles
Focht fae start tae feenish
The boys pit in the hard miles

Eence we got goin’
Lik’ a train gaun’ at fu’ pelt
Action faist an’ furious
Jings, thocht ma pen wid melt!

Clean sheets fae Craigie in goals
Helpit bi Scotty, Spinky, Birdie an’  CK
Big Robbo, Calzie, Ronan, Muz an’ Lynchie
Each an’ iviry een’s hid a say

Midfield Magic fae young Zak
Free kick specialist bar neen
An’Gilly poppin’ up a’ ower
Plus “Super Coops” fin a’ said an’ deen

Teens Jack an’ Tris, ken foo tae score
Wi’ Nathan tap o’ the pile
“H” an’ Mikey chippin’ in
Maist goals we’ve hid fer a file

Of coorse – comin’ on an’ deein’ their bit
Salmon Leap Liam alang wi’ James Brownie an’ Josh
Ayeways chasin’ an’ harryin’
Makkin’ the opposition gyang “Oh My Gosh!”

Noo… 16 wins an’ fower draas
In the last Twinty Twa games played
Fowk sat up an’ took notice
“We’re feart tae play” – they a’ said!

So...noo, the season’s feenisht
Affa quick in comin’ roon’
Abiddy’s extended their contracts
An’ eynded up Sivinth – ISN’T LIFE GREAT AS A MAROON!!