Keith's Boardroom Quines (Pat an' Heather)

Boardroom Quines they cam’ an’ go
At Keith we’ve the Wintons, Pat an’ Heather
Dishin’ oot the tae n’grub
Nae maitter fit the weather

Deen it mair ‘eers thin ye min’
Reliable as kin be
Sassidge Rolls, sannies an cakes
Funcy peeces, as weel as yer cuppie o’ tea

A’thing laid oot fine an’ bonny
Abiddy get’s treated the verra same
Be it Brora, Buckie, Clach or Rothes
The Quines fairly ken the game

Pat’s the Queen o’ the Funcy Peece
Heather’s a star at dishin’ oot the tae
An’ poor the drams fae the Bar
Iviry single hame match day

They tak’ great pride in fit they dee
Makkin’ sure that abiddy’s fed
Dee it withoot ony fuss
Best in the Highland League fowk hiv said

The hustle bustle at half-time
Pat an’ Heather tak’ it in their stride
Clearin’ up wi’ rapid speed
Seen as fowk ging back ootside

They’ve seen players, an’ managers come an’ go
A’ the time they’ve deen the half-time spread
Needin’ a cuppa afore the game?
Nivir ony bather it hiz tae be said

Supportin’ the team through thick an’ thin
Weerin’ their Keith Tee Shirts wi’ a gleam
Ye kin see foo muckle it means
A vital pairt o’ the Maroons team

Bit noo they’ve blaa’n the fussle
Biled the kettle fer the last time
There’s nae twa doots aboot it
PAT AN’ HEATHER – A BOARDROOM STRIKE PARTNERSHIP O’ SAE SUBLIME

HAPPY RETIREMENT QUINES!